Қазтұтынуодағы Павлодар Жоғары экономикалық колледжінің білім алушылары, еріктілер қозғалысының қатысушылары «№36 жалпы орта білім беретін бейіндік мектеп» КММ-де өткен «Volunteer time» жобасы аясында экологиялық музей бойынша экскурсияға қатысты. Аталған іс-шараны Павлодар облысы ақпарат және қоғамдық даму басқармасының «Жастар бастамаларын дамыту орталығы» КММ ұйымдастырды. Экологиялық мұражайға барудың мақсаты-білім алушыларды Павлодар өлкесінің табиғи мұрасымен таныстыру арқылы мәдени-экологиялық тәрбиелеу. Экологиялық мұражайда облыстың жануарлар мен өсімдіктер әлемінің 200-ден астам экспонаттары жинақталған. Мұнда заманауи экологияның құрылымдары ұсынылған, стендтерде Жаһандық экологиялық проблемалар мен апаттар, Павлодардағы химиялық ластану аймақтары көрсетілген, метеорологиялық аспаптар қойылған. Екібастұз қаласының көмір кеніші туралы қызықты ақпарат әзірленді, минералдар мен тау жыныстарының бірегей коллекциясы жиналды. Экскурсия мұражай қызметкерінің қызықты пікірлерімен сүйемелденді және студенттерге өте ұнады. Әрбір студент өзі үшін тарихи жаңалық ашты, экологиялық мәселелер туралы білді. Мұражайға бару әр студенттің жадында терең із қалдырды. Оқушыларға барлығы өте ұнады, көптеген жағымды эмоциялар алды.